تامر حسني لـ جمهوره: "الطريق هيتفتحلك مادام ربنا ألهمك تمشيه"

نشر نجم الجيل تامر حسني فيديو يُحفز فيه جمهوره على تحقيق أحلامهم وعدم الإستسلام، وهذا ليس بجديد على تامر حسني فأنه دائماً ينشر تلك الفيديو لجمهوره لكي يستكملوا أحلامهم، فقد نشر فيديو عبر صفحته الرسمية بموقع التواصل الإجتماعي "فيسبوك" لشخص يحاول أن يحمل وزن داخل صالات الجيم وبالرغم من ثقل الوزن يحاول لكي يحمله.

فعلق تامر حسني قائلاً: "اللي عنده إراده زي دي رغم ظروفه الصعبه هيقدر يرفع حلمه لفوق زي ما الشاب العظيم ده صمم و رفع الاثقال و مش اتحدى الوزن بس لا اتحدى الوزن و التوازن يعني انت ممكن تتخيل ان في حلم صعب عليك بس لو اجتهدت هتحققه و نص بس على شرط إملى روحك بالطموح  مش بالأحقاد و الغيره".
 

وتابع: "ربنا بيوفق كل مجتهد حتى لو سعى غلط أو سعى و منجحش مره و١٠ هيكرمه في النهاية عشان ربنا بيكرم على المجهود اوعى تتخيل أن وقتك ضاع طول ما نيتك من البدايه خير (( اعرف ان الطريق هيتفتحلك مادام ربنا الهمك تمشيه )) حتى لو قابلتك صعاب و إحباطات و لو قفلت اكتر !!".

واختتم حديثه قائلاً: "راجع نيتك و نفسيتك بس متضحكش على نفسك وأول ما هتوصل للسلام النفسي و تواجه نفسك بغلطك أو بنيتك اللي مكانتش سليمة هتفك عقد كتير و هتعرف أن الحل في إيدك والنجاح هيجيلك أسرع إن شاء الله".
 

ما هي آخر أعمال الفنان تامر حسني الغنائية ؟

طرح تامر حسني الأغنية الثالثة من ألبوم "هرمون السعادة" وهي تحمل اسم (مش هتغير عشان حد) وقد تصدرت التريند ومواقع التواصل الإجتماعي منذ بداية طرحها حيث حققت الأغنية حوالي 10 مليون مشاهدة عبر موقع الأغاني الشهير "يوتيوب"، وهى من كلمات وألحان تامر حسني توزيع علي فتح الله.
 

ما هى كلمات الأغنية ؟

انا غالي قوي فعين نفسي
غالي قوي غالي قوي
وم اليوم دة هعيش
لو مش هكون تاج على راسك
وعالي قوي عالي قوي ماتلزمنيش
ويا احزاني جبت الناهية
ويا احزاني يالا فداهية
انا مش هتغير عشان حد
انا مش هتغير علشانك
انا زي ما انا للي حاببني
ولا عمرها يوم وقفت على حد
انا مش هتغير عشان حد
انا مش هتغير علشانك
انا زي ما انا للي حاببني
ولا عمرها يوم وقفت على حد
مش هضيع عمري تاني
وكفاية اللي راح
ولا هتحمل في اناني يا اناني
وخلاص هرتاح
 

ما هي آخر أعمال الفنان تامر حسني السينمائية ؟

وفي سياق متصل يعرض حاليا في جميع سنيمات مصر والوطن العربي فيلم "تاج"، ويضم الفيلم عدد من النجوم أبرزهم دينا الشربيني، ساندي، هالة فاخر، عمرو عبد الجليل، أحمد بدير وهو من تأليف تامر حسني وإخراج سارة وفيق.

ينتمي فيلم تاج لسلسلة أعمال "الأبطال الخارقين" السوبر هيروز في مصر والوطن العربي، ويجسد تامر حسني شخصيتين لتوأمين اسمهما تاج وهارون، ويمران بالعديد من الأزمات، ويُعتبر هذا الفيلم أول ظهور لبطل عربي خارق في السينما العربية