أحمد حلمي يكشف تفاصيل تعرضه للتنمر من فنان

تحدث الفنان أحمد حلمي، عن تعرضه للتنمر خلال حلوله ضيفا على الإعلامي محمود سعد في برنامج “ سولد أوت” قائلا:  كنت شقي وأنا طفل جدا وكان عندى حمار بعربة كارو دايمًا تحت البيت وفى مرة الحمار عضني، وأعتقد إن ده الحمار الوحيد اللى في العالم بيعض، وروحت للدكتور وقالي أنا محدش قالي قبل كده إن عضه حمار، وكنت وأنا صغير  بتنى ودني وأنام عليها فبقى عندي ودن أكبر من ودن.

وأضاف: “كنت في  مرة  في فرح بنت خالتى على مركب، وكان في فنان كلنا بنحبه فى الفرح، وأنا كنت في فترة إعدادى تقريبا، وروحنا عشان نشوفه وواقفين قدامه وبنضحك ببراءة كدة، وراح قال لصاحبة الحق ميكي ماوس”.

تابع: “طبعا اضايقت جدًا وعمري ما نسيت الحكاية دي خالص، واتعلمت منها إن أي حد جاى يتكلم معاك بدافع الحب مش بدافع شيء تانى أوعى تجرحه بأى كلمة”.

وعن أبرز الجمل التي يؤمن بها قال حلمي: "نفسي أرجع أعيش الأيام اللي مكنتش فاهم حاجة دي لحظة حلوة وفي جملة مؤمن بها أنت تعيش في نعيم لأن متعرفش اللي أنا عارفه، لما تاخد بالك من نجاحك ممكن تفشل ولكن مركزش في النجاح عشان ماتفشلش، بتحس أنك حصلت على الدنيا لما بتوفق في عملك، وكتر القراءة بيعرفك حاجات ولازم عشان تفهم يكون عندك وجهة نظرك لكن الدنيا مستحيل تتفهم”.

وكشف علاقته بالاعلامية سناء منصور: “هي ضهرنا مهما عملنا بنقولها منبى ماسبيرو، كان صعب أني أدخله وقابلت سناء منصور هناك وطلبت منها أشتغل في الإخراج ووافقت، وأشتغلت في برنامج أحلام العصافير مساعد مع صديقي محمد خلف للأطفال”.

تابع: “مسكت الميكرفون واتكلمت مع الطفل نحو نص ساعة والمخرج صور كتجربة وعجبهم وسناء منصور طلبت تشوف الفيديو وضحكت جدًا وطلبت 30 حلقة من الفكرة دي، سناء منصور قالت لي محدش هيقدم البرنامج غيرك”.