سامح لطف الله يكتب : الخفافيش هتبات مذلولة ..
موضة ولفت كل وطنا
ومصر بلدنا هي الأولي
الشعب العربي لينا بيقلد
قدوة وليهم مش معقولة
شفنا فلانة وشفنا سوزان
موضة وطلعت سيدة أولي
وشفنا الشلة حوالين هانم
وشفنا لسان ما يبلش فولة
وطلعت ليلي وطلعت هايلة
وشفنا الخايلة وشفنا الحولة
واللي تطلع قوانين فاسدة
وتدور تندب أنا مسئولة
وشفنا ولادهم ظهروا وبانوا
بالكربون نسخة ومنقولة
مع بشار أو مع قذافي
وولاد صالح ياخدوا عمولة
كله فساد م الساس للراس
سرقة ونهب وهيصة مهولة
وشعوب عايشة تحت الفقر
جوع ومهانة إبقاق مقفولة
سجون مليانة بكل معارض
ينطق كلمة ويقول قولة
وفي الإعلام سامعينه كلام
ووعود جامدة وعود معسولة
بيخدروا إحساس الناس
حقنة ف رِجل خلاص مشلولة
هب ف تونس شعب وقام
ردت مصر بكل رجولة
صحيت سوريا وفاق أبطالها
كسرت ليبيا قيود مغلولة
حتي يمنا طردت صالح
فردوا شراع وسيوف مسلولة
إوعوا تظنوا شعوبكم نايمة
إوعوا تظنوا الناس مذهولة
الحرية هتيجي يا وطني
والخفافيش هتبات مذلولة
أول خطوة لمجد وطنا
نجاح الثورة الخطوة الأولي
