تويتر يرد على الشحات :" خلاص مشاكل البلد خلصت والعيشه فل معدش الا روايات نجيب محفوظ "
استقبل نشطاء موقع التواصل الإجتماعى تويتر حوار الشيخ عبد المنعم الشحات المتحدث الرسمى بإسم جماعة الدعوة السلفية بسيل من العبارات الساخرة على وصفه الأديب العالمى الراحل نجيب محفوظ بالكفر و الفجور نظار لبعض كتاباته التى إعتبرها الشحات تحرض على الكفر .
حيث انتقد النشطاء بقوة تعرض الشحات لروايات الإديب نجيب محفوظ , و أشارو إلى أن محفوظ من أفضل أدباء عصره وأن كتاباته من أفضل الكتابات التى نشرت فى السنوات الماضية , مطالبينه بالتوقف عن مهاجمته , حيث تنوعت تعليقات النشطاء بين الرافضين لتصريحات الشحات و بين المطالبة بالمقارنة بين أدب نجيب محفوظ وأدب بعض كتاب التاريخ الاسلامى .
· عيد ميلاد نجيب محفوظ كمان خمس أيام، وبهذه المناسبة أحب أقول لمهاجمه الدائم المهندس عبد المنعم الشحات (الخاسر): نجيب محفوظ خط أحمر!! ـ
· هاهاهاهاهاها الشباب راحوا للشحات بصور نجيب محفوظ قدام اللجنة بيعاندوه هاهاهاهاها
· هاع هاع هاع بيقولي ان احسان عبدالقدوس اكثر فسادا من نجيب محفوظ
· السلفيين واخدين موقف من كلمة (نجيب) ...نجيب ساويرس , نجيب محفوظ , نجيب بيره , نجيب نسوان , نجيب البرادعي
· عمالين يتكلموا عن الفسق اللي في أدب نجيب محفوظ وأتحداهم ينكروا كتب السيوطي والثعالبي وأبو الفرج الجوزي اللي فيها ما لايجرؤ محفوظ على كتابته
· الشحات: العيال إتعلمو شرب المخدرات من روايات نجيب محفوظ. بت يا إنششرراااااح !!
· لو كان نجيب محفوظ مازال حيا يرزق .. وشاف الشحات على دريم ... كان كتب رواية بعنوان زقاق الحلاليف !
· نجيب محفوظ هو برضه اللي حرض قابيل على قتل هابيل وهو اللي حرض المغيرة على التحرش بأم جميل وهو اللي حرض أبو نواس على الحث عالفسق .
· زهقتونا بقة اتكلموا في حاجة مفيدة شوية نجيب محفوظ ايه و بطاطس ايه دلوقتي قولي حاجة مفيدة يا عم الحاج عشان البلد
· ولما هو الشحات بغباوته مش عاجبه نجيب محفوظ بيقراه ليه وإذا ماكانش قرأه يقول رأيه فيه أزاي؟ الشحات مثال حى للمتنطعين
· انا بعد ماقريت روايات نجيب محفوظ بقولها من كل قلبي انا لو عندي ربع ايمانه هدخل الجنة حدف
· الناس مقطعة بعض علي روايات نجيب محفوظ وناسيين إن نص الشعب أُمِّي أصلاً !!
· خلاص مشاكل البلد خلصت والعيشه فل معدش الا روايات نجيب محفوظ
· هو الشحات بيشبه اعمال نجيب محفوظ بالخمرة ولا ايه مش فاهمة هو عايز ايه؟؟؟
· عب منعم الشحات بيحكم على نجيب محفوظ من الفيلمين اللي بيتعرضوا له في التليفزيون، وبيدافع عن عبد القدوس انه أكثر أدبا، واضح ماقراش لهم حاجة !!