بالفيديو.. ممدوح موسى يكشف تفاصيل العملية الجراحية للهضبة

كشف الإعلامى ممدوح موسى عن أصعب يوم فى حياة الهضبة عمرو دياب والذى تمثل فى قيامه بعمليه فى الغدة اللعابية والتى كان يوجد بها حصوة كان لابد من ازالتها.


وقال "موسى" خلال برنامجه "المفاجآة...أيام فى حياة الهضبة" على قناة mbc مصر قائلا: "اليوم دة قضيته مع عمرو دياب هو حملنى مسئولية كبيرة على نجم كبير ملايين بتحبة، وكانت حاجة صعبة جدا، هو اتصل بى وقالى إنه بكرة الصبح هيعمل عملية فى الغدة اللعابية، عنده حصوة ولازم يشيلها، رحت فعلا فى الميعاد ولقيته قاعد مستنينى ولوحدة، بعد كدة نادى على اولادة الصغيرين وحضنهم، ورحت أخدته فى العربية، وعربيتى أساسا فيها الكاميرا بتاعتى ومكنش فى دماغى أصور، ولو كنت عايز كنت صورته مع عيالة، وهو مش هيمانع لانه عارف إنه سره زى سرى".


وتابع قائلا: "وصلنا المستشفى وبدإت اجراءات العملية، عمل رسم قلب وإشاعة، وكان مرعوب، ومقلش لوالدته او زوجته، وقمت بتصوير كل التفاصيل دى وهو شايف، كنت بخفف عنه القلق وخصوصا إن كان عنده فوبيا، بعدها لقيت محسن جابر وإثنين من أصدقائة، وطوال الوقت عمرو كان بيقولى متسبنيش خليك معايا، وأنا اساسا مش بحب دخول فى العمليات لكن كنت مضطر لإنه كان لوحدة والعملية صعبة جدا".


لمشاهدة الفيديو إضغط هنـــــــــــــــــــــا