نبيل الحلفاوى يعلق على اختيار جوزيه بيسيرو مديراُ فنياً للنادى الأهلى
حذر الفنان "نبيل الحلفاوى"، من استغلال اختيار مدرب لأغراض أخرى خاصة بعد تعيين "جوزيه بيسيرو" مديرا فنيا جديدا للنادى الأهلي، مؤكدا أن أية تحركات جماهيرية غير مطلوبة لو باشر "بيسيرو" عمله فعلا سيتحمل المجلس نتيجتها سواء نجاحا أو فشلا.
وكتب "الحلفاوى" فى تغريدة له عبر حسابه الشخصى بموقع التواصل الاجتماعى "تويتر": "مع السيرة الذاتية لبسيرو.. مش هصدق الخبر إلا لما اشوفه في الملعب مع الفرقة.. ما بين ليلة وضحاها يغير الله من حالٍ إلى حالِ".
وأضاف : "نغمة نجيب واحد من غير إنجازات ونعملها له احنا زي جوزيه.. دي نغمة تضحك فعلا.. بالمنطق ده.. المدربين اللي حققوا انجازات مش هيلاقوا ياكلوا".
وتابع: "لو ماكانتش دي مناورة لسبب ما. ولو مجلس الإدارة أو الجمعية العمومية مااتصرفوش. يعني لو الراجل اشتغل فعلا.. نسانده تماما. لو فشل..المجلس يستقيل".
واختتم "الحلفاوى" تغريداته قائلا : "وبعدين بقااا ؟.. الراجل هيصعب علينا قبل ماييجي.. جاريدو كمان كان صعب علينا وهوه ماشي.. أصل مدحت شلبي جابله لقطة لما خسر قدام سوريا وراح لمدربهم الروماني مادد إيده يسلم عليه. فالراجل الرزل تجاهله ومشي. وهوه إيده ممدودة ومذهول".
