15 كوبليه محذوف من أغاني عمرو دياب.. تعرف عليهم

قدّم المطرب عمرو دياب، العديد من "كوبليهات"، أغانيه في حفلاته لكنها لم تظهر في ألبوماته، ومن أبرز هذه الأغاني "أمنتك"، في حفل موسي كوست 2016، وبمناسبة حلول عيد ميلاده هذه الأيام يستعرض "الفجر الفني"، أبرز الكوبليهات في التقرير التالي:

 

أغنية "أمنتك"

فأجأ عمرو دياب، جمهوره في حفله الغنائي بموسي كوست 2016 بغناء الكوبليه المحذوف من أغنيته "أمنتك"، وتقول: "في بعدك ناس بتجي وتروح محدش رد فيا الروح، محدش داوى أي جروح ولا بتقل أحزاني" ، وهي من كلمات تامر حسين، وألحان محمد النادي، توزيع أسامة الهندي.

 

أغنية "قمر ايه"

قام الهضبة، بغناء الكوبليه المحذوف من هذه الأغنية في حفله بـ"بورتو مارينا"، 2017، ويقول: "جمالك أصل مش صورة، أنا بتشد، لو اتصورت وسط الناس، لوحدك تنوري الصورة"، وهي من كلمات أسامة مصطفى، وألحان سامر أبوطالب، وتوزيع أسامة الهندي.

 

 

أغنية "قالتلي قول"

غنى الهضبة ما حُذف منها في إحدى حفلاته فقال: "سألت وهي بتبتسم صدقتها، واما اتخدعت في الابتسامة جاوبتها، حسيت سؤالها إنه عادي وبعدها لامت عليا كإني فعلًا خنتها"، وهي من كلمات بهاء الدين محمد، وألحان عمرو دياب، وتوزيع موسيقي فهد.

 

أغنية "وحشتيني"

قدم عمرو دياب، لجمهوره بعض الكوبليهات التي حذفت من أغانيه القديمة أيضًا منها "وحشتيني"، وقال فيه: "انتي في دمي حضن بيهونلي همي، روحي قلبي، عينيا عمري، صاحبتي وحبيبتي وأمي"، وهي من كلمات أيمن بهجت قمر، وألحان عمرو مصطفى، وتوزيع نادر حمدي.

 

أغنية "معاك برتاح"

هذه الأغنية حُذف منها كوبليه: "أنا معاك برتاح مقدرش أقول غير كده، ده أنا راحتي في الحب ده طول ما احنا مع بعضنا أنا معاك برتاح، والكلمة دي قليلة، وصلتني لمرحلة روحي معاك"، وهي من كلمات أمير طعيمة، وألحان أحمد صلاح حسين.

 

أغنية "تجربة وعدت"

غني عمرو دياب، إحدى الكوبليهات المحذوفة من هذه الأغنية في إحدى حفلاته وجاء فيه: "أنا يا تاعبنى معاك،هنساك، وهنسى كل أيامك مانا مطلعش قلبي ملاك، مش ده برضو كلامك"، وهي من كلمات مجدي النجار، وألحان عمرو دياب.

 

أغنية "يوم ما اتقابلنا"

غني ما حُذف منها فقال: "يوم ما اتقابلنا نسيت أنا كل اللى فات، جربت حب مشفتهوش غير في حكايات"، وهي من كلمات تامر حسين، وألحان عمرو دياب.

 

أغنية "وياه"

هذه الأغنية ظهر فيها معظم مشاهير فرقة عمرو دياب، الموسيقية، ومنهم العازف الشهيرعمرو طنطاوي، وجاء الكوبليه المحذوف كالتالي: "الأيام دي مين نعشقه واحنا مغمضين، كنت هلاقى ده كله فين غير فيه، قابلونى ناس كتير في الدنيا دي لكن ده غير، في براءة كده ده كلام كبير، هقول ايه"، وهي من كلمات تامر حسين، وألحان عمرو مصطفى.

 

أغنية "علم قلبي"

هذه الأغنية حُذف منها ما قدمه عمرو دياب، في حفله وجاء فيه: "ياحبيبي وأنت جنبي لو تعرف قد ايه بيزيد الشوق في قلبي ولا بقدر يوم عليه، قرب مني كمان محتاج حب وحنان، بناديلك من زمان تعالى ضمني، خليك جنبي حبيبي واحضن قلبي أنا مانت العالم بحاله، ومعاك كل المنى، قرب مني كمان محتاج حب وحنان بناديلك من زمان تعالي ضمني"، وهي من كلمات وليد جلال وشكر خاص لبهاء الدين محمد، وألحان خالد عز وعمرو دياب، وتوزيع فهد.

 

أغنية "أديني رجعتلك"

فؤجئ جمهور عمرو دياب، بغناء الكوبليه المحذوف من هذه الأغنية في إحدى حفلاته، فقال: "وأنا برده مكنتش راضي، أنساكي وأشوفك ماضي، كان قلبي في بعدك تايه، كان عمري في بعدك فاضي"، وهي من كلمات بهاء الدين محمد، وألحان عمرو دياب.

 

أغنية "خليك معايا"

قدم الهضبة ما حُذف منها لجمهوره خلال حفله فقال: "وعرفت قيمتك لما بعدت ورجعت بعد فراق، جربت أعيش من غير هواك وآدي النهاية، أنا بعد منك توهت وضعت وتعبت من الأشواق، وانت كمان ضعت وبجد حرام كفاية، خليك معايا، أنا مش هسيبك مرة تانية مهما كان خليك معايا، أنا مش هكرر غلطتي وياك زمان"، وهي من كلمات أيمن بهجت قمر، وألحان محمد يحيى، وتوزيع موسيقي حسن الشافعي.

 

أغنية "مهما كبرت"

غني عمرو دياب، ما حُذف منها فقال: "أنا مهما كبرت صغير، أنا مهما عليت مش فوق، مهما الأيام تتغير، منستش ان أنا مخلوق، مخلوق طيب بالفطرة، عايش في الدنيا لفترة والفكرة تاخدني لفكرة والخير والشر فروق، وأنا مهما وصلت مفارق، وفي غربة قلبي شروق الدنيا دروب ومفارق، ومتاهة وتوهة وشوق وفي عز الليل الغالب منستش ان أنا مخلوق"، وهي من كلمات مدحت العدل، وألحان حميد الشاعري.

 

أغنية "أكتر واحد"

أطلق الهضبة الكوبليه المحذوف من هذه الأغنية في إحدى حفلاته فقال: "الجنة لقيتها يا غالي معاك وعرفت الحب وعيشته معاك فاكرك علطول يا حبيبي بقول مقدرش أنساك"، وهي من كلمات أحمد موسي وأيمن بهجت قمر، وألحان عمرو مصطفى، وتوزيع طارق مدكور.

 

أغنيتي "حبايب إيه" و"جنب حبيبي"

صرح الشاعر الغنائي تامر حسين، بأن هذه أغنية "حبايب إيه"، حُذف منها كوبليه،  وهو: "لقينا ياقلبي حضن أحن وبنهون علي روحنا، عرفت أنا وانت ليه بنحن، نروح للي بيريحنا، حبايب إيه، حبايب مين"، وأغنية "جنب حبيبي"، حُذف منها كوبليه: "كل اللي شافونا ويا بعض بيحسدونا، ونلاقيهم قلدونا في الحاجات اللي مابينا، بسرح بخيالي في كل حاجة عملتهالي، قولتهالي، دايمًا أسال هي دنيا دي ولا جنة، وأنا جنب حبيبي حبيبي اللي بتمناه في عمري لقيته معاه".