إيمان الحصري تكشف عن كواليس مشاركتها في احتفالية طريق الكباش
كشفت الإعلامية إيمان الحصري، عن كواليس مشاركتها في احتفالية طريق الكباش الذي أقيم بالأقصر، يوم 25 نوفمبر، وحضره الرئيس عبد الفتاح السيسي.
وقالت إيمان الحصري، خلال حوارها في برنامج "صاحبة السعادة"، الذي يُعرض على شاشة "dmc" وتقدمه الفنانة والإعلامية إسعاد يونس: "بعد عودتي بـ 15 يومًا من ألمانيا نصحها الأطباء بالراحة من أجل استكمال العلاج والنقاهة، كلموني قالولي عاوزينك تشاركي معانا، أنا مكنتش متابعة فترة تعبي إيه اللي بيحصل، بس أنا كنت عارفة أن فيه حدث عالمي، فرحت جدًا وخوفت جدًا، لأني كنت لسه راجعة من تعب، وشكلي كان تعبان وخسيت كتير".
وتابعت إيمان الحصري: "سافرت إلى الأقصر وبدأت في عمل البروفات، وبصراحة كانوا بيراعوا إني لسه راجعة من التعب، وكنت خايفة جدًا من ردود الفعل، بس لاقيت ولا أجمل ولا أحسن من كده، حسيت إن ربنا بيقولي إنتي اتبهدلتي جامد كام شهر، فيه حاجة طيبة حصلت في وسط حاجات كتيرة مش طيبة".
وعبرت عن سعادتها للمشاركة في الاحتفالية وقالت إيمان الحصري: "انبسطت أوي أني شاركت، ولاقيت فيه ناس فرحانة، طول الوقت بشتغل، بس فرحت أوي لما لاقيت فرحة الناس بعودتي، بقيت مبسوطة جدًا".
