عمر الشناوي يهاجم منتقدي محمد صلاح "لعيب كورة عاوزينه يبقي داعيه"

عبر  الفنان عمر الشناوي  عن غضبه حول منتقدي تصريحات محمد صلاح  الأخيرة بخصوص شرب الخمر ونشر منشورًا عبر حسابه الشخصي بموقع التواصل الإجتماعي "فيسبوك ".

قائلًا: "لعيب كوره عاوزينه يبقي داعيه!!! هو ليه محدش بيفضل في حاله ويشوف نفسه الأول مش عاوز يشرب عشان طعمها بيضايقه عشان ملوش نفس عشان حرام عشان اي شي دي حاجه بينه وبين ربه".

وتابع عمر: "بتتعالوا عليه ليه؟ شايفين ان انتم احسن منه ليه؟ مستكترين عليه النجاح فلازم تطلعوا في عيوب الدنيا".

وأضاف:" طب لو انتم مستكترين عليه النجاح ربنا مش مستكتره عليه وبيزيده نجاح غصب عنكم،كفايه رياء وتظاهر بالدين وداخلكم سواد".

واستكمل: "لا ومش بس كده ولو اتكلم في الدين هيقولوا بتتكلم في الدين ليه هو اي واحد اليومين دول بقي مفتي".

شغل مهاجم نادي ليفربول الإنجليزي ونجم المنتخب المصري محمد صلاح منصّات التواصل المحلّية والعربية، بعد تصريحات أخيرة له بشأن عدم تفضيله الشخصي شربَ الخمر. وفي مقابلة تلفزيونية مع الإعلامي المصري عمرو أديب، سأله عمّا إذا كان يشرب الخمر أم لا، فأجاب" لا أعرف. نفسي لم ترتح لأن أشربها، ولا أريد أن أجرّبها".