بكلمات مليئه بالحزن .. مجدي الهواري يعبر عن حزنه بعد وفاه شقيقه
نشر المخرج مجدي الهواري، منشوراً معبراً عن حزنه بعد وفاه شقيقه بأيام قليلة وذلك من خلال حسابه الرسمي على موقع التواصل الاجتماعي "فيسبوك".
وكتب المخرج مجدي الهواري قائلاً:"مفيش كلام يعبر عن الحالة دلوقتي حد يخترع حروف جنب بعضها تقول كلمة توصف الاحساس ده حالة حزن وآلم ديه عارف لما تبقي عايز تقول اااااه من وجع فيه وجع مش زي اياه ! اللي عارفينه كلنا لا !
مش وجع من حاجة وجعاك ! بردو لا وجع من حاجة ملهاش ماسكة كده .. علشان تدوس عليه فاتوجعك حتي اكتر .. فاتمسكها وتحسسك انك حتي عرفت مكنها فين !! فتفصح عنه وعنها
فيقولك دكتورك علاجها ايه مثلًا اي برشامة ولا حقنة واضرب منها شريط حتي طب وحتي لو ملهاش علاج . عادي بس اهو عادي .
وتابع قائلاً :"يمكن لما تقول لحد مكانها وتخرج اللي جواك يمكن تخفف الوجع عنك شوية طب مانا بخرج اهو !! ولا ايه حاجة ماله الحزن والألم العادي بس ماحنا ياما حزنا وتأثرنا ! مكنش يبقي هو وخلاص طب نقول ياريت يبقي من الوجع العادي !؟ ولا ايه حاجة بس الحقيقة الحزن علي الأخ بيجيب معاه وجع غريب مشروط كده بالطول في الواحد ومتساب في الهوا وهو عريان كمان .. كل ما الهوا يفتكروه .او يشوف صورته .او يسمع صوته .
أضاف :"او يفتكر ضحكته وطيبته .. يرجع تاني يقول اااااه من الوجع . ولما حد يسألك ايه فين بيوجعك ! تقوله معرفش طب اوصف الوجع تقوله معرفش طب ايه اللي بيوجعك تقوله فراق اخويا وبس ربنا ما يعديه علي حد النوع ده من الوجع دعوة من حد موجوع هنا.
