شيرين عبدالوهاب تغازل جمهورها بإطلالة أنيقة
بعد تصريحاتها المثيرة للجدل.. شيرين عبد الوهاب في أحدث ظهور لها
تدوال عدد من رواد مواقع التواصل الاجتماعي صورة للفنانة شيرين عبد الوهاب، من أحدث ظهور لها بعد تصريحاتها المثيرة للجدل عن طليقها حسام حبيب.
أحدث ظهور
وظهرت الفنانة شيرين عبد الوهاب أثناء وجودها علي البحر بمنطقة الساحل الشمالي، وحازت الصورة على إعجاب الكثير من جمهورها ومحبيها.
تصريحات شيرين المثيرة للجدل
وكانت قد قالت شيرين، خلال مداخلة هاتفية إلى برنامج "كلمة أخيرة" الذى تقدمه الإعلامية لميس الحديدى على قناة "ON" اعتذارها إلى الجمهور على الهواء،: "عاوزة أستغفر ربنا على الكذب اللى كذبته عشان أخلى صورة إنسان تبقى كويسة، وأنا كذبت ودى أكتر حاجة ربنا مبيحبهاش.. حسام حبيب ضربني وسحلني على الأرض وهو اللي حلق لي شعري"، وأنا من القلعة وممكن أروح أهد عليهم العمارة اللى قاعدين فيها، وأنا عاوزة حقي منه".
شيرين: حسام حبيب مش بيشتغل
وتابعت شيرين: "أنا ست قاعدة فى أمان الله مع بناتى، بقالنا 4 سنوات شايفين الويل، سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتى، ومكناش بنخرج ومكناش عايشين تقريبًا والبنات ماكانوش بيعرفوا يقعدوا معايا، لأنى كنت عايشة مع زوج مش بيشتغل تقريبًا، وكنت محبوسة 24 ساعة فى أوضة نومى مش بعمل حاجة، قاعدة بس، وأنا غلطت فى حق نفسى، وكنت فاكرة إنى بحافظ على بيتى لكنى اكتشفت إنه ماكنش بيت، كانت عيشة فئران أو مصيدة أنا كنت زى الفار اللى بيدخل المصيدة ياكل حتة جبنة"
شيرين تتهم حسام بمحاولة هدمها
واعتبرت شيرين أن ما تعرضت له على يد حسام حبيب كان "محاولة منه لهدمها"، قائلة: "أنا كنت فوق وهو كان تحت، هو معرفش يطلع لي فوق فحاول ينزلني تحت، ده تحليلي للي حصل، وأنا آسفة بعد اللي عملته في نفسي وبناتي وجمهوري، وأعتذر لجمهوري اللي كذبت عليه، ولما طلعت غنيت بعد ما حلقت شعري كنت بفكر في بناتي علشان مينهاروش. وبعدين يقولوا لسه بتحبه، حبته عقربة ينام فيها، أنا أحبه ده أنا في حياتي ما اتأذيت من إنسان كده، إنسان قلبه أسود".
طلاق شيرين عبد الوهاب
يذكر أن طلاق حسام حبيب وشيرين عبد الوهاب حديث العامة فى الفترة اللى فاتت خاصة بعد تأكيد شيرين خبر انفصالها عنه، وقد ترددت أخبار خلال الفترة الأخيرة عن عودة شيرين لحسام حبيب.
