بعد نجاح حفله في المنصورة.. رامي جمال يوجه رسالة شكر لجمهوره

شارك المطرب رامي جمال جمهوره مقطع فيديو وصور وهو على المسرح من حفله الأخير بأكاديمية الدلتا، وذلك عبر حسابه الرسمي علي موقع تبادل الصور والفيديوهات "إنستجرام" وأعرب عن سعادته الكبيرة لإحياءه الحفل، وشكر أيضًا الشركة المنظمة وكل الحضور.

رامي جمال يشكر الحضور وفريق عمل الحفل عبر “إنستجرام” 

وعلق رامي جمال على الصور قائلًا:"من حفل أكاديمية الدلتا أول أمس اليوم  كان جميل جدًا بيكم، شكرًا أولاد بلدي واشوفكم أنجح الناس وأسعدهم، الغنا قدامكم يلخبط حلم بقي حقيقه وبشكر إدارة الدلتا وأشكر أحمد زين على التنظيم الرائع وأشكر فرقتي، وإدارة أعمالي وشركه نجوم ريكوردز، وأخيرًا شكرًا لكل شخص شافني استحق اللي وصلتله وبحبكم وبحترمكم جدا"

أحدث أعمال المطرب والملحن رامي جمال

وكان قد طرح رامي جمال أحدث أغانيه باسم "أدبتنا الدنيا"، وهى ضمن أغنيات ألبومه الجديد "يستاهل بوستين "الذى يضم  12 أغنية هي "بقيت أخاف "و "خلينا قاعدين "و "موقف ضعف "و "قمر ومنور "و "أنا دلعت "و "مسيري أنساك "و "أدبتنا الدنيا "و "شوفت الحقيقة "و "سيبنا بعض "و "كلميني شوية عني "و "في جمال كده".

وجاءت كلمات أغنية "أدبتنا الدنيا" لرامي جمال كالتالي:

الهدوء والابتسامة مقصودين وبدم بارد
ولا جاية تجسي نبضي..كل شيء في الدنيا وارد 
ع العموم مش فارقة حاجة..احنا اكتر من بعدنا
عيشتي بعدي وعيشت بعدك م الحكاية شيلنا ايدنا

أدّبتنا الدنيا واحنا اللي نستاهل حسابها
هي غلطة وجت ف ثانية ضعنا من بعض بسببها
واحنا ملناش حق نزعل أو نعاتب بعض حتى
كل واحد فينا كان ليه حاجة ف التاني وسابها

فاكرة لما البعد خدنا..وانتي سلّمتي ورضيتي 
شوفي حالي ازاي بقيت..وانتي بردو ازاي بقيتي
رامية نفسك جوا حضن غريب ومش مرتاحة فيه
وانا رامي نفسي ف حضن عارف عمره يوم ماهيبقى بيتي

أدّبتنا الدنيا واحنا اللي نستاهل حسابها
هي غلطة وجت ف ثانية ضعنا من بعض بسببها
واحنا ملناش حق نزعل أو نعاتب بعض حتى
كل واحد فينا كان ليه حاجة ف التاني وسابها.