أبو جبل: لجنة حسين لبيب رفضت تجديد عقدي
أوضح محمد أبو جبل حارس مرمى الزمالك السابق، أن اللجنة السابقة التي أدارت القلعة البيضاء برئاسة حسين لبيب رفضت تجديد عقده.
أبوجبل: أمتلك عروضًا كثيرة في الفترة الحالية
وأوضح أبو جبل في تصريحات تليفزيونية عبر برنامج الريمونتادا على قناة المحور: "أنا يمكن عندي خيارات كتير الفترة دي، وأنا لجأت للقضاء مع نادي النصر وعندي عروض كتير من داخل وخارج مصر، وهبدأ النظر فيها لدراستها عشان خاطر ألحق وقت القيد".
وأشار: "ليه بتهاجم من الناس بالطريقة دي وليه بتهاجم من الرموز في الإعلام بالطريقة دي أنا عملت ايه عشان كدة؟ ".
ووجه أبو جبل رسالة خاصة لجماهير الزمالك قائلا: "نادي الزمالك عمره ما قصر معايا وأنا عمري ما قصرت معاه، بس النقط اللي جمهور الزمالك زعلان مني فيها لازم يفهم كويس إن في حاجات بتحصل خارج عن إرادة أي حد".
وأتم: "لما يبقى فاضلك 6 شهور في عقدك وانت اللي بتكلم الناس عشان تجدد، والناس ترد وتقولي إن انت مش في أولويات النادي، وألاقي الناس بتجدد للاعيبة تانية في الفرقة".
