بعد ردها على منتقديها.. منى فاروق تتصدر تريند "جوجل"

تصدرت الفنانة منى فاروق مؤشرات البحث عبر موقع "جوجل "بعدما ردت  على إحدى المتابعين، عبر خاصية الاستوري على موقع تبادل الصور والفيديوهات "إنستجرام".

وظهرت منى وهي ترتدي فستان يجمع بين اللون الأبيض والأسود، واعتمدت على تسريحة الشعر الويفي.

منى فاروق ترد على إحدى المتابعين بعد انتقادها 

وكتب منى قائلة: "خبر مزعج كالعادة عندي على الصبح.. صحيت النهاردة لقيت خبر عني بيقول.. منى فاروق بقميص نوم ووصله رقص ساخنة". 

وتابعت:" أنا استغربت جدًا وكنت مستاءة الحقيقة من الخبر وعمومًا هذا هي الصورة.. قولولي معلش هو دا قميص نوم وهي دي وصله رقص ساخنة". 

وأضافت:"ما كل البنات بتلبس فساتين صيفي عادي يعني أنا حرة ليه نازلين فيا جلد دا ربنا بيسامح وبيغفر لعباده الذنوب.. انتو إيه ملايكة يعني عموما انا أحسن منكم.. أنا ربنا انعم عليا بستر جديد".

منى فاروق لمنتقديها:" أنا ليه شغلاكم أوي كده" 

وأوضحت:" خدوا بالكم من رصيد ستركم هيخلص من كتر الأذى والشر.. اللي بتعملوه فيا وربنا عقابه شديد ويلا نزلوا خبر عن كلامي دا كمان.. انتو مزعجين جدًا بس انا ولا فارق معايا كلامكم انا بعامل ربنا مش بعامل البشر.. بجد حسبي الله ونعم الوكيل في كل الناس اللي بتكتب عني بالكذب.. بس هو أنا ليه شغلاهم أوي كدا". 

واختتمت كلامها قائلة: "أنا في الأول وفي الآخر بنت بتتكلموا في عرضي ليه.. خافوا ربنا شويه انتو ايه خسارة اقول عليكم بني ادمين والله.. انتو عديتو الشر حسبي الله ونعم الوكيل في كل شرير وحاقد وحاسد شخص دون شرف.. ربنا موجود وهيعوضني خير وأنا في حمايه ربنا". 

آخر أعمال منى فاروق 

يذكر أن آخر أعمال منى فاروق مسلسل" رحيم "، الذي تم عرضه في دراما رمضان 2018 بطولة ياسر جلال، دنيا عبد العزيز، نور، صبري فواز، طارق عبد العزيز، حسن حسني، توني ماهر، إيهاب فهمي، محمد رياض، سارة الشامي، دينا، وآخرون.