بعد أزمة شيرين الأخيرة ياسمين عز توجه بعض نصائح لأختيار شريك الحياة
وجهت الإعلامية ياسمين عز، في برنامج "كلام الناس" عبر فضائية mbc مصر، بعض النصائح في كيفية اختيار شريك الحياه من الطرفين.
نصيحة لاختيار شريك الحياة
أكدت ياسمين عز، أن بخلاف أزمة شيرين عبد الوهاب، فيجيب اختيار شريك الحياة بالطريقة الصحيحة، وقالت: " ياريت نحط كام خط تحت كلمة الحياة، لأن الوظيفة الأساسية لشريك الحياة أنه يقويك ويسندك، وفي شريك حياة بيكون دوره أنه ينهي الحياة دي، يحبطك ويكسرك"
وأكدت على الأختيار الصحيح معبرة “حوالينا نماذج كتير لرجالة شدوا زوجاتهم لفوق، ونماذج تانية لستات شدوا الرجالة لتحت، والله مهما كان حواليك ناس كتير حلوة، لكن شخص واحد كفيل أنه يدمر حياتك كلها، يسرق حلمك يسرق عمرك، ومش بعيد كمان يسرق فلوسك، عشان كده مهم جدا قبل الجواز تختاري صح وتاخدي رأي الكبار، وتسمعي كلامهم، ماتمشيش بدماغك وخلاص”.
ياسمين عز توضح تصريحاتها المسبقة
وضحت الإعلامية ياسمين عز، ردًا علي بعض تصريحاتها مسبقًا قائلة "أنا طول الوقت بقول للست حافظي على جوزك ودلعيه، بس برضه طول الوقت بقول إن الكلام ده للرجل اللي شايل مراته في عيونه وبيعاملها أحسن معاملة وبيدعمها عشان تكون ناجحة وسعيدة"، والمقصود هو الرجل السوي، اللي يكملك، ماتتجوزيش غير اللي يراعي ربنا فيكي، بيكسب من عرق جبنيه حتى فلوس قليله، ما تاخديش أي رجل طمعان فيكي، يبقى عايز يعيش على حسابك وحساب نجاحك”
وتابعت “ اتجوزي الرجل اللي يبقى عايز ولاد منك، مش يتلكك بأي حجة عشان لما يسيبك مايكونش في حاجة تربطه بيكي ”
ياسمين عز توجه نصائح للرجال
وعلي الفور وجهت بعض النصائح للرجال فقالت “ ما تتجوزش الست اللي تحسسك أنك أقل منها، أو تحسسك أنها بتصرف عليك وتصغرك قدام الناس”
مضيفة “ ما تتجوزش الست اللي طول الوقت بتحسسك أنها تكرمت ومنت عليك واتجوزتك، أو الست اللي تتكسف تمشي جنبك في أي مناسبة، وتتلكك لك في الفاضية والمليانة”
تصريحات مسبقة لها
و من بعض تصريحات مسبقة لها كانت " اللي بتقول لجوزها حاضر ونعم دي ملكة مش خدامة.. مصطلح الجارية ده هناك في مسلسل حريم السلطان مش عندنا"
