جنات: "مهرجان الموسيقى العربية رمز من الرموز الوطن العربي ومن معالم الفن النضيف"

أشادت الفنانة جنات بمهرجان الموسيقى العربية في دورته الـ 31 من خلال تواجدها في أحد اللقاءات الإذاعية قبول صعودها إلى المسرح لتشدو بأغانيها المميزة حيث أنها قالت:“مفيش شك إني مبسوطة وخايفة زي كل مرة معرفش ليه حفله المهرجان بتبقي زي أول مرة من ١٥ سنه وأكيد التوتر هيروح مع أول أغنية والمهرجان بيتطور والكم سنه الأخيرة أصبح من معالم الفن النضيف والراقي”. 

وتابعت: " الموضوع مش صعب عليا إني أواكب العصر وبنفس الوقت أتابع القديم اتعودت أغني طربي وده في دمي من وأنا صغيرة". 

أما عن أعمالها القادمة فقالت: "أغنية "يابختي بيه" هتنزل الاسبوع الجاي وحفلات كتير سواء في المغرب أو في أماكن تانية وأتمنى رأس السنة يكون في مصر".

وعن إمكانية إصدارها لألبومات كاملة مرة آخرى قالت: "على حسب مرحلة المرحلة اللي فاتت كنت استحاله أرضى بأغنية سنجل كان لازم ألبوم كان الدنيا اتغيرت والحالة الفنية بتيح الظهور كتير واعتقد أنسب حاجة أغنية كل ٣ شهور".

آخر أعمال جنات 

الجدير بالذكر آخر أعمال جنات تتميز دائمًا في تترات المسلسلات، ويعتبر آخر أعمالها في ذلك المجال هو تقديمها لتتر مسلسل "شارع 9" فقدمت أغنية "القلب مات"  لتتر بداية المسلسل وأغنية "أهي مراحل" التي كتبت لتتر نهاية المسلسل، أما عن آخر أعمالها الفنية فهي أغنية "مين يحبك".

كلمات الأغنية

عارف مين يحبك
ومين يخاف عليك
ومين يهمه أمرك
دايمًا بِيحس بيك
ويبيع الكون بحاله
وبعمره يشتريك

ده اللي قلبه حبك
مش عارفَك مصلحة
لو شاف القسوة منك
عمره ما يجرحك
لو شاف القسوة منك
عمره ما يجرحك

عارف مين يصونك
ويكون حنون معاك
ده لو شاف عيونك
قلبه يروح وراك
ولا عمره يعيش من غيرك
وراحته في لحظة لقاك

ده اللي قلبه حبك
مش عارفَك مصلحة
لو شاف القسوة منك
عمره ما يجرحك
لو شاف القسوة منك
عمره ما يجرحك

عارف مين يحبك
ومين يخاف عليك
ومين يهمه أمرك
دايمًا بِيحس بيك
ويبيع الكون بحاله
آه ويشتريك ده

تفاصيل ألبوم انا في أنتظارك

كان آخر البوم جنات "أنا في انتظارك" يحتوى على 11 أغنية باللهجة المصرية، وتعاونت مع عدد من الملحنين والشعراء والموزعين الكبار بجانب الشباب، فمن الشعراء تامر حسين، وعزيز الشافعي، ومن الملحنين وليد سعد، ومدين، ورامي جمال، وخالد فتوح، وبلال سرور.

ترويج جنات لحفلها في الأوبرا

روجت الفنانة جنات من قبل لحفلها حيث نشرت البوستر وعلقت قائلة: "وحشتوني جدًا مستنياكم يوم ٣١ أكتوبر في دار الأوبرا المصرية، الساعة ٨ مساءً ضمن فعاليات مهرجان الموسيقى العربية في دورته الواحد والثلاثون".