تامر حسني يفتح قلبه لجمهوره ويقدم نصائح عن مجاهدة النفس

يتحدث تامر حسني لجمهوره ودائما ما يقدم لهم نصائح عن موضوع ما، ويحرص دومًا على تقديم جرعات إيجابية لهم.

تامر حسني يوجه رسالة  بموضوع مجاهدة النفس

اختار حسني هذا الموضوع ليقدم نصائح جديدة لجمهوره، وكتب من خلال حسابه الشخصي بموقع التواصل الاجتماعى" فيسبوك " معلقًا: "يوم جميل على الجميع كالعادة مش بعتبركم محبين فقط لا انا دايمًا بشوفكم ناس من اهلي حتى لو بعضكم معندوش الاحساس دا تجاهي
انا بقى عندي تجاهكم كلكم الاحساس دا ودا احساس ربنا زرعه فيا معرفش ليه ومعرفش ليه مزروع فيا بالقوه دي عشان كدا اقسم بالله اي خير بعرفه بحب انقله ليكم فورًا".

واستكمل حديثه قائلًا: "كنت بقرأ موضوع مهم أو ي بما اني مجنون قراءه وسماع حبيت اكلمكم عنه وهو "مجاهدة النفس "، واثق اننا كلنا بنمر بظروف ومؤثرات وافكار بتغير حاجات جوانا في ناس بتغيرها للأفضل وفي ناس للاسوء وكلامي لكل شخص حاسس من جواه إنه متضايق وعنده خطأ في فكره أو عقيدته وقناعته أو عاده سيئه ومعصيه ثابته مش عارف يتخلص منها أو صفه في شخصيته مش كويسه وفاقد الامل في تصليحها".

تامر حسني يقدم النصائح للتغير للأفضل

واردف: "عشان يصلحها ويتغير لازم اول حاجه يعترف بيها قدام نفسه وميقاوحش ويبرر وجودها".

النصائح

لازم يشوفها يبقى:
١- تعترف بيها قدام نفسه
٢- تاخد قرار حاسم في بدء الإمتناع عنها
٣- تدرس المقابل لها في الصالح وتسعى في اتجاهه
٤- اختار اصحاب صفاتهم بعيده عن هذه العيوب والعادات المشابه
٥- اصبر على نفسك في التغيير يعني لو اخدت قرار ورجعت فيه مش معناه انك فشلت لا خد القرار تاني حتى لو فشلت في الاصلاح ١٠٠ مره عادي، خد كمل في اصرارك على التغيير والتطوير وخد كمان مره القرار اهم حاجه راقب نفسك وشوف مؤشر تحسنك بيزيد ولا ثابت خليك وراه لحد ما يبدأ يعلى هتلاقي نفسك واحده واحده انتصرت على نفسك وكسبت التحدي.

تامر حسني يستعد لفيلم جديد من إخراج سارة وفيق

يستعد حسني لفيلم جديد من إخراج سارة وفيق وذلك حسب تصريحاته ببرنامج insider حيث أشار أنه في آخر المراحل من تحضريه وهو من إخراج سارة وفيق الذي سبق وقامت بإخراج فيلم مش أنا، ومن تأليف وقصة تامر حسني.

آخر أعمال تامر حسني الغنائية

كانت أغنية هتجوزك آخر أعمال تامر حسني بالغناء وبها يكون اختتم تامر أغاني فيلم بحبك،وهى من كلمات محمد القايتي،وألحان محمد حمزة، هندسة صوتيه جلال فهمي.

كلمات أغنية هتجوزك لتامر حسني

ولإن الحلال أجمل سأنتظر
رغم اني مش قادر اصبر وبحتضر

رغم العادات والحاجات
هنجز وهختصر
هتجوزك هتجوزك وسوف ننتصر

رغم العادات والحاجات
هنجز وهختصر

هتجوزك هتجوزك وسوف ننتصر

رغم الزنقة ورغم الاقساط
والخشب اللي انا حاجزه فدمياط

لسة الشبكة وباقي الضغوطات
ربنا هيسهلهالي