حمو بيكا: 'أنا مؤدي وحسن شاكوش مصطنع ومتكبر وأنا اللي طلعته للنور'

حل مطرب المهرجان حمو بيكا ضيفًا في برنامج العرافة الذي تقدمه الإعلامية بسمة وهبة على شاشة قناة المحور.

كشف مطرب المهرجانات حمو بيكا عن العديد من المفاجآت بشأن حسن شاكوش وعن علاقته الفنية به.

أنا مؤدي وحسن شاكوش مصطنع

وتحدث حمو بيكا في لقائه مع الإعلامية بسمة وهبة قائلًا:أنا مؤدي وبعترف بـ ده، وحسن شاكوش مصطنع وبيتصنع على الناس ومتكبر ومغرور، أنا المدرسة اللي طلعت حسن شاكوش".

واستكمل حديثه قائلًا: "حسن شاكوش مكنش عنده استوديو وهو بيحط ممول عشان أغانيه تجيب مشاهدات، أول أغنية عملتها لحسن شاكوش جابت 15 مليون مشاهدة، وأنا اللي طلعته للنور ولما اشتهر والغرور خده مني بقى يعمل أغاني لوحده".

وأكد حمو بيكا أن أول ظهور لحسن شاكوش كان معه: "حسن شاكوش مظهرش إلا معايا أنا والناس كانت بتسألني مين ده  في بدايات حسن شاكوش ".

وأردف: "حسن شاكوش بيغني الأغاني بتاعتي التي خرجت من الاستوديو الخاص بي، وأنا اللي طلعته للنور" موضحًا: أنا المدرسة في المهرجانات".

آخر أعمال حمو بيكا

يذكر أن آخر أعمال مطرب المهرجانات حمو بيكا أغنية "كلك غرام"، والذي تم طرحها مؤخرًا عبر قناته الرسمية بموقع الفيديوهات الشهير يوتيوب، الأغنية بمشاركة حسن شاكوش ومن كلمات إسلام المصري توزيع إسلام صاصا.

كلمات الأغنية

دي جي ساسو
بنغيب والكل بيحتار في انتظار
نرجع والكل بينهار في انفجار
ع الساحة بنعمل هجوم ضرب نار
أصل احنا بتوع البوم بوم دوس غيار
ع الصح والصحيح بجد إخواتي غير أي حد
ولحد كم تعرف تعد يا ابني إحنا حيطة سد
الهوستا كوستا كله فل أنا جاي أردم ع الكل
ع الكل هرخم مش هحل أنا صعب ماليا حل
أنا جاي أقول لك كلام ع اللسان
بت إنت كلك غرام عود ريحان
شحرورة وصوتك خيال الجمال
من بصة راح قلبي مال أورجينال
آه يا حتة قشطة بالعسل شوفتك اللي حصل
لو رقمك بيّ يتصل بصحى وبنسى الكسل
آه يا فستقاية في قنبلة يا هريسة معسلة
في دماغي عملت البلبلة كده هنسى السنجلة
هتلر بجيوشه مصدناش قال بلاش
من ضربتنا الكل باش في انكماش
ولعنا الدنيا وما بنهداش قولنا عاش
رشاشنا بيضرب ما بيفضاش صرف كاش
أنا جيبت البيتش باجي وإنت عليّ بتتفرجي
شاب رومانسي ومش بلطجي وإنت ثقيلة وبتعصلجي
ولبست قميص كاروهات فاتحه مبين فيه العضلات
والأيفون بثلاث كاميرات وإنت براند الحلويات
الهوستا كوستا ولا إيه لون خدك نسكافيه
إنت مربى في ملفيه ده جمالك مش ناسيه
يا مجننة في كل الشباب وسطك عنده انسياب
هطلب طرب وكباب خالصة وعندي الحساب
أنا بيكا وبكبكتوكو، وأنا شاكوش اللي بهزكم
سالكين ليّ وبسلك لكم، عمري في يوم ما أبعد عنكم
يا اللي الغل في دمكم، هفضل قاعد على قلبكم
هيعيش اِسمي شاغل مخكم، وبتقلقوا لما أرجع لكم