أحمد عزمي: مشهد مقتل أخي الأصعب وأمي مرضت بسببي وأبي توفى ولم يحضر أي فنان العزاء
قال الفنان أحمد عزمي، إن والدته ماتت بسببه وأصيبت بالمرض بعد الازمة التي حدثت له، مضيفًا: “فى آخر ايامها أنا خرجت وكانت فرحانة اني بطلت إدمان”.
وأضاف عزمى ، خلال لقاءه مع الإعلامى دكتور عمرو الليثى بيرنامجه واحد من الناس على شاشة الحياة، انا بطلب منها تسامحنى الله يرحمها، وهى علمتنى قرأن وحفظتنى جزء عامة وربت ٥ اولاد كما يجب وانا كسرت قلبها، وتوفت وبعدها بكام شهر توفي والدى، ولم يحضر اى فنان جنازة والدى وحزنت جدا ان انا لم اقدم لوالدى ما يستحقه.
وقال عزمى عن الفنان صلاح عبد الله إنه فنان جميل فى اول يوم تصوير مسلسل حرب الجبالى، وقال خد ياد يا احمد انت اتعشيت قولت لسه قال لى خلاص ما تقلقش اتعشي وهيجيلك الشيك امضي عليه ماتخفش الانتاج هنا كويس وكان بيهزر معايا.
و عن علاقته بابنه ادم قال إنه ا جيدة جدا وهو عنده دلوقتى ١٤ سنة وانا اللى بذاكر معاه العربى، وهو بدأ يشكشك كده تمثيل وفى المدرسة عنده كانوا بيعملوا ماكبث وهو مثل فيها.
وأضاف والنجم تامر حسنى كلمنى علشان فيلم "بحبك" وفوجئت إنه بعتلى رسالة وقال لى انا بحبك يا فنان وعاوزك معايا وافتكرت ان احد بيهزر، ولاقيته تانى يوم بيكلمنى، وقالى الدور حلو وانا شايفك فى التركيبة دى.
وتابع عزمي، ان اصعب المشاهد فى حياته وعالق فى زهنه مقتل اخيه حمدى لإنه ا كانت صدمة كبيرة ولحد الان مش مستوعب ومش بقدر اشوف صورة ليه.
وأضاف عزمى خلال لقاءه مع الإعلامى دكتور عمرو الليثى بيرنامجه واحد من الناس على شاشة الحياة، اننى تجاوزت المرحلة الصعبة لكن الذكريات لسه بترجع بتقلب عليا المواجع، غصب عنى واللى بيخرجنى منها ابنى ادم والدكتورة نبيلة مكرم وزيرة الهجرة السابقة عملت مؤسسة اسمها بداية وكلمتنى انى اشتغل معاهم علشان نوعى الشباب بمخاطر الادمان وازاى يبدأو حياة جديدة وفخور بمشاركتي معهم .
