أغنية ”مسولي وصبحوا” للنجمة بوسي تتصدر التريند

تصدرت أغنية "مسولي وصبحوا" للفنانة بوسي، تريند البحث والإستماع على موقع التواصل الإجتماعي، بعد أيام قليلة من طرح الأغنية والفيديو كليب المصاحب لها، حيثُ تهافت على استماعها ملايين المستمعين والمشاهدات، والعمل من كلمات تامر حسين، وألحان عزيز الشافعي، وتوزيع جلال حمداوي.

كلمات أغنية مسولي وصبحوا: 

وجاءت بعض كلمات أغنية "مسولي وصبحوا" كالآتي:

مسولي وصبحوا على الحلو في مطرحه

اللى بيعدل مزاجى بمجرد ما المحه

هو سر اندماجى منين ما اروح ولا اجى

هو دوايا وعنادى وانا بعشق اريحه

ده انا يا ما فسحته ياما ياما وبأيدى مرجحته

ده انا ياما دلعته ياما ياما شارياه ولا بيعته

واحشانى مجيته وعزيزه خطوته

قولولى هشوفه امتى بحتاج حنيته

تصريحات بوسي في برنامج حبر سري: 

وفي سياق آخر حلت المطربة بوسي ضيفة مع الإعلامية أسما إبراهيم في برنامجها حبر سري والمذاع عبر شاشة القاهرة والناس، وتحدثت بوسي خلال اللقاء عن العديد من التفاصيل حول حياتها الشخصية والفنية. 

بوسي تتحدث عن حياتها الشخصية والفنية: 

وقالت بوسي أثناء اللقاء:" انا مش بتكسف من أي مرحلة في حياتي، مش مولوده وفي بوقي معلقة دهب وشرف ليا ان شقيت ووصلت للمرحلة اللى انا فيها دلوقتي". 

وأضافت:" وطليقي اللى بيقول صرفت عليها هاتوا صوري زمان وصورى دلوقتي، هل كان دا منظر واحده مصروف عليها بالأرقام اللى بيقولها دي". 

وتابعت:" أنا كنت راجل وست البيت صرفت وعملت كل حاجة، حتى الأغاني من فلوسي لكن كان كاتب التنازلات باسمه وبيقول من إنتاجي، لما إتجوزت كان سني 19 سنة، وكان مقفول علي لدرجة إنه منعني أشوف أهلي وصحابي والمقربين".

بوسي عن عمليات التجميل: 

وتحدثت بوسي عن عمليات التجميل وقالت:" انا عملت عملية واحدة في مناخيري، ولما بتلاقي شكلك بقي حلو في حاجة كانت مضايقاكي بترتاح نفسيا، مع ان كنت ضد عمليات التجميل في البداية لكن شكلى كان مضايقني". 

ويذكر أن جاءت  استضافة بوسي في البرنامج بعد ساعات من قرار النيابة العامة بجنوب القاهرة حبس زوجها هشام ربيع، لمدة 4 أيام على ذمة التحقيقات في واقعة اتهامه بالاستيلاء على 8 ملايين جنيه من طليقها، وأمرت بسرعة التحريات حول الواقعة.

واستمعت نيابة المقطم الجزئية إلى أقوال الفنانة بوسي في واقعة اتهام زوجها بسرقة شيكات وإيصالات أمانة، وغادرت النيابة فور الانتهاء من الإدلاء بأقوالها.