مروة صبري: "الواحد عشان يطلع الساحل لازم يعمل دراسة جدوى.. ولو كنت روحت في العيد كنت هرجع بشحت"

انتقدت الإعلامية مروة صبري غلاء الأسعار المبالغ به في الساحل الشمالي، مؤكدة أنه يجب أن يكون هناك حلول بديلة للحد من زيادة الأسعار.

مروة صبري تتحدث عن الحد من  زيارة الأسعار 

وقالت الإعلامية مروة صبري، في مقدمة برنامجها  "قعدة ستات" عبر قناة "القاهرة اليوم": "في عيد الأم وعيد الحب وأي مناسبة من المناسبات بنلاقي محلات الورد بتغلي، يعني لو الوردة بـ 20 جنيه يبيعها بـ 100 جنيه، ويقولك ده الموسم بتاعنا هو أنت جاي تبص لنا في الفلوس؟ هي دي الفكرة ولازم نلاقي بدائل".

وتابعت:" أنا بالنسبة ليا مش هروح أصرف كل الفلوس دي هناك، إلا لو هاخد كل حاجتي من هنا وأروح على هناك، لأن فكرة أن الواحد يروح ويأجر مكان وهناك غالي جدًا جدًا، والواحد دلوقتي علشان يطلع الساحل محتاج يعمل دراسة جدوى علشان يشوف وضعه إيه".

مروة صبري تتحدى الاسعار

وأضافت:" أنا بعترف بكل صراحة وبعترف أنا لو كنت روحت الساحل في العيد كنت هرجع بشحت، كنت هروح أقضي 3 أو 4 أيام وهرجع أغني ظلموه في البيت، وقررت إني هقعد في البيت لغاية ما أعمل ثروة وبعدين أروح الساحل على أول شهر اغسطس".

برنامج قعدة ستات

برنامج "قعدة ستات" تقدمه الإعلامية مروة صبري على شاشة "القاهرة اليوم" يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.

حنان شوقي في ضيافة قعدة ستات 

من ناحية أخرى،  استضافت الاعلامية مروة صبري، الفنانة حنان شوقي في برنامج قعدة ستات، وعلقت على شائعات ارتدائها الحجاب والتي انتشرت خلال الفترة الماضية، بجانب حديثها عن أزمة الفنانة حلا شيحة ورأيها الشخصي في قرارتها الأخيرة.