عبير صبري: ريهام حجاج مش محتاجاني أدافع عنها.. وأنا بحبها وبننجح مع بعض

تصدرت الفنانة عبير صبري،  محركات بحث جوجل، نظرا لظهورها في برنامج "تفاعلكم " والكشف كواليس أعمالها وغيرها من الأمور. 

 

وأضافت: "معنديش أخطاء لأن كل خطأ بتعلم منه فمبيعتبرش خطأ بس أكيد عندي حاجات في حياتي أندم عليها ولو فيه فرصة مكررهاش". 

وأوضحت أنا نجمة وبطلة وعندي جمهور وساعات اسمي بيتكتب أول اسم وساعات تاني اسم. 
 

وقالت: "أنا زعلت إن أنا قلعت الحجاب وفي يوم من الأيام يمكن ربنا يكتبلي تاني إني البسه، وأؤمن بالصداقة بين الرجل والمرأة". 
 

وأكدت حلم من أحلامي أمثل مع آلباتشينو بس ده هيتحقق في الجنة إن شاء الله، وبحب دوري في فيلم عصافير النيل ومسلسل جميلة وستات قادرة والطوفان". 

 

وواصلت:" فيه صور أكيد بيكون فيها فوتوشوب وتعديلات المصور اللي بيعملها.. وفيه صور تانية كتير بتصورها دون مكياج وبشكلي العادي". 
 

عبير صبري: ريهام حجاج هي مش محتاجة حد يدافع عنها 
 

واستكملت:" أنا مش بدافع عن ريهام حجاج هي مش محتاجة حد يدافع عنها هي جميلة وأنا بحبها وبننجح مع بعض، ونفسي اشتغل جدا مع أستاذ داوود عبدالسيد دي أمنية وحلم كبير بالنسبالي". 
 

عبير صبري:أنا زعلت من اللي أصالة قالته ومصر كلها زعلت 
 

واختتمت:" أنا زعلت من اللي أصالة قالته ومصر كلها زعلت كأنها بتقول إن مصر مقدمتلهاش حاجة وأنا كتبت بوست مهذب قولت فيه وجهة نظري وخلاص، وأنا عندي عيوب بس مع جوزي أنا معنديش عيوب وحنينة معاه جدا، وعمري ما عملت أي عملية تجميل".
 

آخر أعمال الفنانة عبير صبري

والجدير بالذكر آخر أعمال الفنانة عبير صبري مسلسل جميلة

والمسلسل من بطولة الفنانة ريهام حجاج، سوسن بدر، عبير صبري، يسرا اللوزي، أحمد وفيق، هاني عادل، هشام إسماعيل، نبيل عيسى، ياسر على ماهر، عبير منير، رحمة حسن، ريم سامي، رحاب حسين، مدير التصوير وائل درويش، مهندس الصوت أحمد سمير، موسيقى تصويرية هاني عادل وهو من تأليف أيمن سلامة وإخراج سامح عبدالعزيز وإنتاج جمال العدل