آمال رمزي:" أنا أرملة بطل من أبطال الصاعقة ومستحيل اتجوز بعده"

حلت الفنانة آمال رمزي ضيفة على برنامج “كلام الناس”، مع الإعلامية ياسمين عز ، الذي يتم عرضه على شاشة قناة mbc مصر، وتحدثت عن عدد زيجاتها والأنباء المترددة بشأن زواجها مرة أخرى خلال الفترة الحالية.

ما حقيقة زواج آمال رمزي  خلال الفترة الحالية ؟ 
 

أوضحت الفنانة آمال رمزي عن الأنباء التي ترددت بشأن زواجها مرة أخرى ، حيث نفت كل هذه الاقاويل، وردت قائلة:" غلط طبعًا ده كلام جرايد لإني أرملة  بطل من أبطال الصاعقة ومستحيل اتجوز بعده،  وهو حبني الحب الحقيقي كان بيشلني يطلعني الدور السادس وعمه وزير الدفاع وكلهم عيلة مرموقة".

وتابعت:"لم تكن تلك المرة الأولى التي قالت فيه هذا التصريح، ففي برنامج تليفزيوني سابق، قالت آمال رمزي: "مش بفكر في الارتباط؛ لإني مش هلاقي زي اللي كنت متجوزاهم، أنا اتجوزت أربعة، وأكتر واحد ريحني كان من أبطال الصاعقة وعيشت في سعادة معاه 3 سنين، كأنه عايش عشان يبسطني ومكنش خاين، كان من البيت للجامع ومن الجامع للبيت".

كم عدد أزواج أمال رمزي وسبب الطلاق ؟

تحدثت أمال رمزي عن عدد زيجاتها، قائلة:" الزيجة الأولى كان عندي 17 سنة وكان بيني وبينه 12 سنة، كنت متزوجة من المخرج كمال صلاح الدين لكن وخاني مع راقصة من بتوع زمان ولاد الحلال قالولي وروحت قفشته لأنه كان بيستناها كل يوم في الكازينو، واللي بلغني ارملة بليغ حمدي وهي واختها كانوا في الوسط ومش بسامح في الخيانة".

وتابعت: "أنا اتجوزت 4 مرات والزيجة التانية كان مهندس ومقاول وقعدت معاه 20 سنة وكان كويس لدرجة إنه انتجلي، وكان بيغير عليا وحبني انا وأسرتي".

تفاصيل خلاف أمال رمزي مع الزعيم عادل إمام 

وسبق وتحدثت أمال رمزي عن تفاصيل خلافها مع عادل إمام، قائلة: "أنا زعلت من عادل إمام لأن كان هيعمل البيه البواب وأنا كنت هبقى مراته فهو اعتذر وأحمد زكي عمل بداله، فجه أحمد زكي قالي مينفعش تبقي مراتي لأن أنتي حلوة وأنا عايز زوجة سودة زيي، أنما مش ممكن أسيبك وأروح لصفية العمري انتوا الاتنين لحم أبيض، وقالي ممكن تعملي الضيفة وأجرك يكون هو هو فقلت له أوكيه".