مفاجأة.. طليقة حسن شاكوش تكشف عن خيانته لها مع فنانة مشهورة فمن هي؟
كشفت ريم طارق، طليقة مؤدي المهرجانات حسن شاكوش، عن سبب من أسباب طلاقها، وذلك خلال استضافها في برنامج "90 دقيقة" الذي تقدمة الإعلامية بسمة وهبة، عبر شاشة المحور.
طليقة حسن شاكوش تكشف خيانته لها
وقالت ريم طارق: "كنا في نهار رمضان، كان في ممثلة مشهورة عندها مشكلة صحية راح أكل معها في شاليه بالعين السخنة، ولما رجع البيت، كتبت له: (إنت وصلت يا حبيبي).
وتابعت ريم طارق: "قعدت 30 يوم في رمضان أشوف حاجات زي كده ومختلفة، وفي وقت من الأوقات الفنانة دي حبت تسمعني صوتها، كانوا مع بعض وقعدت تضحك".
وكشفت عن سبب آخر للطلاق، قائلة: "كنا في رمضان، وكان بيعمل بث لايفات عشان يجمع تبرعات وكان بيقول يحرم عليّ كل جنيه بيدخل من تيك توك، هاخده وهتبرع به لجمعيات خيرية للأطفال، فرحت عشان قالي إني هتبرع بيها، لكن بعد لما اللايفات خلصت الموضوع أخد الفلوس، والموضوع اتنسى، كانوا نحو 30 ألف دولار".
وطالبت ريم طارق بمواجهة حسن شاكوش أمام الجميع، وأشارت "وهبة" إلى أن حق الرد مكفول، لافتة إلى أن مدير أعماله أبلغ إعداد البرنامج بأن شاكوش لن يدخل للرد على هذه التصريحات.
ريم طارق تتهم بسمة وهبة
ومن ناحية أخري، اتهمت ريم طارق الإعلامية بسمة وهبة، بسبب حلقتها في برنامج "العراف" الذي تم عرضة في شهر رمضان السابق.
وقالت ريم طارق لبسمة وهبة: "انتي ضحكتي عليا لما قولتلك الكلام اللي قاله شيخ العرافين صدق وإن حسن فعلا متجوز عليا قولتيلي دا خراب بيوت يا ريم ومتصدقيش وطلع فعلا صح".
لترد عليها بسمة وهبة "معنديش جواب ليكي، شيخ العرافين هو اللي عارف يعني حلقة شيخ الحارة هي السبب! ما انتي قعدتي بعدها كذا يوم" لترد ريم طارق " أنا اللي تلعب بيا".
