سارة نخلة تستنكر رفض الزواج من فتيات دار الأيتام.. وبلوجر شهيرة تعلق: بيعاملوهم إنهم عاهرات
ناقشت الفنانة ومقدمة البرامج سارة نخلة رفض المجتمع الزواج من فتيات وأبناء دور الأيتام وقالت مستنكرة: احنا بنحاسبهم مرتين مرة لما اترموا وتاني مرة لما كبروا وحابين يتجوزوا، وذلك بعد نشر انفلونسر شهيرة فيديو تروي فيه قصة فتاة يتيمة تعاني من رفض المجتمع لها، والذي حصد تفاعل كبير من رواد السوشيال ميديا بين مؤيد ومعارض.
روت صاحبة الفيديو شيماء الجارحي كواليس القصة في محادثة هاتفية مع سارة نخلة خلال برنامجها فيس أوف على شاشة قناة هي: اتصدمت قدام الموقف دا لما عرفوني على البنت اليتيمة، البنت اتربت كويس في دار أيتام محترم ودخلت جامعة محترمة جدا وتكاد تكون في منصب حلو، جهزت نفسها بكام حاجة ووقف معاها شوية حاجات، البنت رجعت لدار الأيتام فتواصلوا معايا".
وتابعت الجارحي: "اتعرفت على البنت بشكل شخصي قالتلي انتي عارفة ان دي تالت خطوبة ليا علشان انا يتيمة وورتني على الموبايل رسايل الموبايل أهل العرسان باعتينها بيقولوا انتي فاكرة واحدة زيك مش عارفينلها أصل ولا فصل ولا مله ولا دين علشان نضمن انتي مين احنا هنناسب مين.. كلام صعب بيعاملوها على إنه ا عاهرة ".
وأضافت: في خلل في الانسانيات في المجتمع، اتهاجمت والناس قالتلي انتوا بتعلموهم الشحاتة عشان بنساعد الأيتام، احنا مجتمع متناقض بنركز في الحجاب والتدين ومركزناش ان ربنا وصانا على اليتيم، واتفاجئت أن في ناس بتقول أن حلو البنت ميبقاش ليها حد علشان محدش يقومها على جوزها، انا عندي ٣٨ سنة وأيام الكيماوي كانت جملة من غير ام وأب بتوجعني أو ي".
برنامج FACE OFF تقدمه سارة نخلة على قناة هي يوميًا من السبت إلى الأثنين وتستضيف من خلاله عددا من نجوم الفن، وتناقش القضايا المطروحة يوميًا بين الجمهور.
نبذة عن قناة هي
قناة هي تعد أول قناة مختصة بالمرأة المصرية والعربية، وتقدم عددًا من البرامج المختلفة والمتنوعة، في ظل وجود نخبة كبيرة من الإعلاميين والفنانين
برامج قناة هي
وتعرض قناة هي عدة برامج منها: “ملفات” من تقديم أميرة بدر،وماما في المطبخ” لـ عزة جلال"، و"من غير نفسنة" تقديم الفنانات انتصار وبدرية طلبة ونوليا، و"المنسي" تقديم إنجي هشام، و"عركة ستات" تقديم إيناس النجار ومروة سليمان، و"سكينة معجون" تقدمه جينا فتحي، و"حياتنا أحلى" لـ سالي فؤاد، و"مطبخ ستي" إيمان ميرا، و"ست الحبايب" من تقديم هالة فهمي، و"دايما عامر" لـ دعاء عامر، و"ساعة عصاري" لـ عبير الشيخ"، “زووم ونص” نورهان عبد الفتاح، “دعوة فرح” لـ فرح شعبان، “فيس أوف” سارة نخلة.
