خاص- شريف خير الله يوضح حقيقة تصريحاته عن العندليب ومقارنته بمحمد رمضان

علق الفنان شريف خير الله وأوضح حقيقة تصريحاته عن العندليب عبد الحليم حافظ ومقارنته بالفنان محمد رمضان، لافتا إلى أنه لم يقصد تماما المقارنة.

شريف خير الله:' مفيش أي مقارنة وكل واحد قدم موسيقى لعصره

وقال شريف خير الله في تصريحات خاصة لـ الفجر الفني:' لا طبعا مفيش مقارنة ازاي يعني ده كلام غريب، كل الحكاية اني قلت إن عبد الحليم حافظ بيحب الحداثة والتجديد وبيحب يقدم موسيقى جديدة والات جديدة في الغنوة وشكل جديد وده الشكل المعاصر في زمنه ومحمد رمضان بيعمل الشكل المعاصر بتاع زمنه مفيش اي مقارنه بين الاتنين.

أضاف خير الله:' ده حاجه وده حاجه رمضان بيقدم عصره وعبد الحليم بيقدم عصره وكان مختلف عن اللي موجودين في أيامه".

تصريحات شريف خير الله السابقة 

أشاد الفنان شريف خير الله، بموهبة النجم محمد رمضان، موضحا أنه لديه قبول عالي، وأن مسلسل جعفر العمدة حقق نجاحا كبيرا وقت عرضه في رمضان الماضي 2023.

وأضاف شريف خير الله خلال حواره مع برنامج "تفاصيل"، المذاع عبر قناة "صدى البلد2"، تقديم الإعلامية نهال طايل، "محمد رمضان ربنا صارف له قبول كبير بغض النظر عن الناس بتقول وبتعيد عنه، أنا كان ليا عتاب على محمد رمضان على بعض الحاجات اللي بيعملها لكن ده ملوش دعوه بشخصيته كفنان".

وأشار شريف خير الله، إلى أنه انتقد محمد رمضان في موقف معين، ولكنه تسائل في أحد المرات "ليه كل العدوات دي"، وأن الفنان الراحل أحمد زكى والمطرب الراحل عبد الحليم حافظ أكبر نجمان، معلقا: "لو عبد الحليم عايش لحد النهارده ممكن يعمل إيقاع من خلال محمد رمضان أو يلبس زي لبسه، ده عصره".

واستكمل شريف خير الله،:"عبد الحليم حافظ اتهاجم زمان وأي شخص اكيد الناس تنتقده".

يذكر أن برنامج "تفاصيل"، من تقديم الإعلامية نهال طايل ويعرض على قناة صدى البلد 2، ويذاع البرنامج يذاع الاحد والإثنين والأربعاء من كل أسبوع من الساعة 8 مساء حتى الساعة 10 مساء، برنامج اجتماعي خدمي يتطرق للعديد من القضايا الاجتماعية التي تمس الحياة اليومية وتقدم حلولا للقضايا المطروحة، كما يساهم البرنامج في تقديم العديد من الخدمات للسادة المشاهدين من إجراء عمليات عيون بالمجان لغير القادرين وزواج اليتيمات وإجراء عمليات القلب المفتوح والأطراف الصناعية.