أنغام: "أصعب لحظة في حياتي لما غسلت أختي وكنت عايزة أصحيها"
كشفت المطربة أنغام، عن أكثر لحظة صعب مرت بها في حياتها الشخصية، وذلك خلال إستضافتها في برنامج "ABtalks" الذي يقدمه الإعلامي أنس بوخش عبر قناة الشخصية "يوتيوب".
وقالت أنغام: "وفاة أختي غنوة كانت خبطة كبيرة وقاسية جدا، مع إن علاقتنا مكانتش كويسة، لكن مكنتش عايزة أصدق لحد ما أنا غسلتها بإيدي وكنت عايزة أصحيها".
وتابعت أنغام: "مبحبش أدافع عن نفسي، ولا أتكلم عن حد مش موجود، لكن كل اللي أقدر أقوله بمنتهى الأمانة وبيني وبين ربنا عمري ما كنت سبب زعلها مني، دي كانت بنتي مش أختي، والفرق بيني وبينها 16 سنة".
وأستكملت حديثها قائلة: "هي عندها أسبابها الله يرحمها، ممكن لو عمرها طال شوية كانت الأمور تتغير وتعذرني، لكن مفيش حد حنن قلبها وقسوها عليا".
وحرصت أنغام علي توجية رسالة مؤثرة لأختها غنوة قائلة: "أول حاجة وحشتيني جدا، وحشتني غنوة بنتي الصغيرة اللي كنت بسرح لها شعرها وأحميها في حضني تحت الدش، وياسين أحلى حاجة سابتها في الدنيا، سابتلي نعمة وهدية كبيرة وحتة من قلبها، وهو في عينيا".
ومن ناحية أخري، طرحت أنغام مؤخرا أغنية بعنوان "سيبك أنت" التي حققت نجاحا كبيرا عبر قناتها الشهيرة "يوتيوب".
أغنية "سيبك أنت" من كلمات أمير طعيمه وألحان وليد سعد، وتوزيع مادي، وميكس وماستر أمير محروس، وأخرج الفيديو كليب عادل جمال.
كلمات أغنية سيبك أنت
وتقول كلمات الأغنية: "أنا قولت أقولك أخباري مـع أن أصلا ما سألتـش أنا من يوم بعد محبوسة في نفس الأوضة مسجونة في عالم أفكاري مش عايشة لكن برده ما موتتش تقدر كده يعني تقول إن أنا مش موجودة سيبك أنت أهم حاجة تكون مبسوط ومزاجك عال وتكون بتنام مرتاح البال لا ضمير بيأنب ولا كوابـيس تقلـق نومك ومفيش مشكلة خالص لو حد بسببك ضاع وفي ثانية تبيع وتقوله وداع دي حاجات مَش مستاهلة عشانها تبوظ يومك".
