تامر أمين بعد الهجوم على قائد الفراعنة: "احنا عندنا كام صلاح علشان تخلصوا عليه"

انتقد الإعلامي تامر أمين، الهجوم الذي تعرض له محمد صلاح، لاعب المنتخب الوطني وليفربول الإنجليزي عقب خروجه مصابًا قبل نهاية الشوط الأول من مباراة مصر أمام غانا والتي انتهت بالتعادل الإيجابي بهدفين لكل فريق ضمن منافسات الجولة الثانية للمجموعة الثانية لبطولة كأس أمم إفريقيا.

وقال "أمين" خلال تقديم برنامجه "آخر النهار" المذاع على فضائية "النهار" مساء اليوم السبت، "ليه أنساق واركب الموجة وأهاجم محمد صلاح وهو الهداف التاريخي وهو ماكينة الأهداف للمنتخب، وهو اللي شايل المنتخب آخر ست سنوات".

دعموا صلاح واللاعبين 

وأضاف "كان عندنا محمد صلاح و10 لاعبين مش عارفين أسمائهم، وكنا بنقول عليه منتخب باصي لصلاح، بقى صلاح دلوقتي هو العبء على المنتخب حتى لو مكنتش في أفضل حالاته مجرد وجوده واخد انتباه اللاعيبة والمدرب بتوع الخصم".

وتابع "كمان اتهمته أنه مش مصاب وعايز يخرج من المباراة خوفًا من الخسارة"، متسائلًا "ايه الحكمة من هذا الهجوم على صلاح، احنا عندنا كام صلاح علشان تخلصوا عليه، دعموا نجمكم ورمزكم واللاعيبة دي فرحونا كتير ويستحقوا مننا دعم كبير".