لهذا السبب.. ميار الببلاوي تتصدر تريند جوجل

تصدر إسم الفنانة ميار الببلاوي تريند محركات بحث جوجل، نظرًا لظهورها ببرنامج العرافة، والذي يعرض على قناة النهار.

وتحدثت الفنانة ميار الببلاوي عن كواليس فيلم ديسكو، وغيرها من الأمور. 

 

وقالت:"أتمنى عدم عرض بعض مشاهدها من فيلم "ديسكو"، الذي عرض سنة 1993، خاصة بعد ارتدائها الحجاب".

 

وأضافت: "في مشاهد كثيرة في فيلم ديسكو كنت مش عايزة أعملها، ولا كنت عايزة ألبس مايوه، ولا مشهد عمرو عبد الجليل، ولا مشهد شريف منير، الحاجات دي كلها عملت مشاكل، وأنا الحمد لله اتحجبت ومش عايزة حاجة زي دي تتعرض ولا حد يجيب سيرتها".


 

وتابعت: "أحد المشاهد كان لا يليق برمضان، وأنا كنت بنت عندها 19 سنة وفرحانة بالتمثيل أمام نجلاء فتحي وصلاح ذو الفقار، لكن أنا تربيت في بيت متدين وكنت صايمة، وصورنا أسبوعين في الديسكو في النهار في رمضان، وطلبت منهم أصور المشهد بعد الإفطار لكن رفضوا".

 

وأشارت: "في اليوم ده دخلت الحمام وقفلت الباب على نفسي، والمخرجة إيناس الدغيدي اتعصبت والدنيا اتقلبت، وأنا عمالة أعيط".
 

ميار الببلاوي تكشف عن كواليس لقائها مع نجلاء فتحي

وواصلت: "الأستاذة نجلاء فتحي أقنعتني وقالت إن رمضان إحنا مش بناكل فيه علشان نبقى زي الفقراء، وعلشان الفقراء لا يحسوا إننا نأكل وهما لأ، وفتحت الباب لكن صورت المشهد بعد الإفطار".