سلوي عثمان للفجر الفني..«بالنسبالي حق عرب هو رقم واحد السنه دي».. خاص
تشارك الفنانة سلوى عثمان، حاليًا في مسلسل حق عرب والمعلم ونعمه الافوكاتو في السباق الرمضاني لهذا العام وقالت سلوى عثمان، في تصريح خاص لـ “الفجر الفني” شخصيتي في حق عرب شخصيه مرسومه والاستاذ محمود حمدان المؤلف راسم كل الشخصيات بوضوح وكل شخصيه بطله في مكانها ومسلسل حق عرب هو بالنسبه لي رقم واحد السنه دي.
و تابعت،" عثمان " الدور في حق عرب مع احمد العوضي في درجه قرب كبيره وخلق بينا احساس إنه ابني وانا امه ولو اشتغلت برده مع حد ثاني لازم برده احس بيهم عشان الدور يبقى حقيقي.
و أضافت، على عكس ظروف دور بنتي منه في نعمه الافوكاتو مختلفه لإنه ا اتفاجئت ان ابنها اتقتل فكانت دماغها مشغوله بإنه ا تلاقي مين اللي قتله وتعرف الحقيقه ولان كانت الام ضد نعمه الافوكاتو فكانت دائمًا ضد بنتها منه لإنه ا بتدعم نعمه وده اللي كان بيخلي درجه القرب بنهم مش كبيره.
و أستكملت: قائلة، فانا لازم اكون حاسه الشخصيه اللي طالعه بنتي أو ابني عشان الحاجه تبقى حقيقيه وطبعًا بعد العمل بيبقوا ولادي وحبايبي وكل حاجه ولكن لسه ما اجتمعناش في عمل جديد وكلهم شباب متميزين وشباب حلوين واتبسطت في التعامل معاهم.
و قالت أيضًا سلوي عثمان الرساله الأساسيّة ل مسلسل حق عرب من وجهه نظري أن اللخبطه اللي حصلت جوا المسلسل دي وجوا الأحداث بسبب أن واحد بدأ يأمن بعراف وماينفعش أبني حياتي على حلم وكلام العراف وحاجات كلها غيبيات، وكذب المنجمون ولو صدقوا فالمسلسل من وجهه نظري رسالته الأساسيه البعد عن المنجمون والعرافين وعدم الإيمان بهم.
