"مبارك" يروي موقفا له مع أحد قضاة الإخوان تكرر 60 يوما: "هقولك على سر"

روى كريم حسين، أدمن صفحة أنا آسف ياريس، المؤيدة للرئيس الأسبق حسني مبارك، رد فعل مبارك بعدما سأله عن الـ12 مليار جنيه، والتي قيل أنه يضعها في أحد البنوك.

 

وقال كريم خلال صفحته على "فيس بوك": مرة كنا قاعدين مع الرئيس مبارك في مستشفي المعادي و احنا بالمناسبة زيارتنا بتختلف عن زيارة اي حد ليه لإنها بتعبر جلسة اشبة بالحوار الأبوي من الأب لأبناءه.

 

وتابع: وكنا بنستغل كل دقيقة معاه في اننا بنسأله عن اي سؤال بيدور في بالنا وبال المجتمع و بكررها أي سؤال مهما كان حساس او محرج وكان بيجاوبنا بكل صدر رحب وبكل شفافية وصراحة لدرجة انها بتكون صراحة صادمة احياناً.

 

وأردف: فمره كنا بنتكلم و بندردش كدة روحت طالع في نص الكلام زي عفريت العلبة و المعروف عني اني مبعرفش ازوق الكلام واي حاجة بتيجي في بالي بقولها فروحت قايله ..ياريس بيقولوا ان حضرتك عندك مليارات في البنوك برة مصر.

 

واستكمل:  بصراحة انا مخدتش بالي من السؤال اللي دبيته ده وانه ممكن يكون محرج او يضايق وحطيت نفسي مكانه لو حد قالي كدة هقوله امشي اطلع بره علي طول، لقيته راح باصصلي بنظرته المعروفه وراح ضاحك ضحكته المشهورة وقالي بوص بمناسبة الكلام عن الفلوس و الكلام ده انا هحكيلك حكاية حصلتلي ايام الأخوان فقولتله اتفضل حضرتك.

 

وتابع نقلا عن مبارك: قالي ايام الأخوان لما ودوني سجن طرة فكان كل يوم يبعتولي قاضي تحقيق "بدون ذكر اسماء" يقولي كل شوية قولنا ياريس شايل كام بره .. كل يوم يجي يسألني نفس السؤال وانا مردش فضل علي الحال ده حوالي شهرين يقولي ياريس قولنا شايل كام برة وشايل فلوسك فين، المهم صعب عليا روحت نادهله قولتله خد عايزك فجالي قولتله انا هقولك علي سر بس احلف انك متقولوش لحد قالي قول ياريس قولتله لا "احلف" الأول فراح حالف.

 

وقال: قولتله بوص انا شايل بره 12 مليار دولار خدوا 11 ونص وسبولي نص مليار اعيش بيه انا و اولادي ...الريس هنا بيحكلنا ان وس قاضب الأخوان لما الريس قاله كدة ازاي وشه جاب اللوان ونور كدة من المفجأة و الأندهاش، فقاضي التحقيق قاله موافقين بس قولنا شايلهم في بنك اية الرئيس مبارك قاله انا شايلهم في البنك الأهلي فقاضي التحقيق وشه اترسم عليه علامة النصر وانه اخيرا قدر يجيب قرار الرئيس مبارك ويحل لغز ال30 سنة حاجة زي المفتش كونان كدة واخيرا الأخوان هيلاقوا حاجة يقولوها للناس و انتصار جديد يبرروا بيه فشلهم، المهم قاضي التحقيقي بعدما نفش ريشة وحط ايده في جيبه وراح بكل ثقة قاله ياريس قولنا شايلهم في اني فرع.

 

وقال كريم: راح الرئيس مبارك باصصله بنظرية سخرية وقايله شايلهم في البنك الأهلي ولسه قاضي التحقيق بيقول هييه راح الرئيس مبارك قايله شايلهم البنك الأهلي فرع المريخ، مختتما: الرئيس مبارك قالنا الأفية ده من هنا وكنا وعاصم واقعين قدامه علي الكراسي من الضحك.