فريدة سيف النصر تتسائل: "تحسوا الناس مخططة لهدم قوتنا الناعمة.. إيه اللي حصل؟

تصدرت الفنانة فريدة سيف النصر مؤشرات تريند "جوجل" وذلك بسبب استياءها من الهجوم الذي يتعرض له الفنانون لأي فعل يقومون به.

ابو النصر: النقد النصح وليس الهدم

وأشارت إلى أن النقد لا بد أن يكون من أجل النصح وليس من أجل الهدم،  وذلك عبر صفحتها الشخصية بموقع التواصل الإجتماعي "فيس بوك".

وقالت فريدة سيف النصر، عبر صفحتها الشخصية: "أنا زعلانة علينا كلنا المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟، ليه بنستخبي ورا شاشات وتنزل نحر رقاب بعض، الكلمة القاسية بتذبح، بقينا نكديين منعرفش نفرق بين جد وهزار، كله عايز يتخانق مع كله إيه ده، كل يوم يعاملوك بوش أو حسب المصلحة".

"سيف نصر": الناس ماسكين الفنانين وكأن في تار بلا أسباب

وتابعت: "في إيه بعض الناس ماسكين الفنانين وكأن في تار بلا أسباب، دي عجزت ودي كرمشت ودي غيرت دينها، وده دمه تقيل وده كبر في السن لكن بيغني، وده بيرقص كونغرو، وده اتكسح ودي روحي موتي كفاية.. مالكم في إيه بجد.. هما الناس دي ما أسعدتكمش أعمالهم فترات من الزمن؟، طيب بلاش أنت مابتحبيش فلان غيرك بيحبه".

فريدة سيف نصر: تحسوا مخطط لهدم الفنانين القوى الناعمة

وأكملت حديثها قائلة "في إيه يا جماعة تحسوا مخطط لهدم الفنانين القوى الناعمة، اللي فاتحين بيوت 14 مليون متخيلين، كل المهن شغالة معانا تحت أيديهم كام عامل، وأسطى كل واحد فيهم عنده أهل وزوجه، وأطفال، وفي اللي جوز ولاده وعندهم بيوت مفتوحة، بتحاربوا تمن عدد البلد في أكل عيشهم، اقرأوا كده المسلسل بيكتب ناس قد إيه عِمالة في العمل".

وأضافت "كفاية هد في الفن، الوحش انقدوه بأدب والكويس شجعوه، إنما تهزأوا فنانين كبار ليه يعني، على فكرة أنا عارفة إنها لجان مستهدفة الفن المصري، والفن عمومًا ما هو العربي بيصب هنا هاه قرروا إيه هنشتم من ورا الشاشة، ولا هنقول كلام نصح حلو يا باشا".

أخر أعمال فريدة سيف نصر

ومن ناحية أخري شاركت الفنانة فريدة سيف نصر في مسلسل "رانيا وسكينة" وهو من بطولة روبي، مي عمر، أحمد خالد صالح، صبا الرفاعي، محمد رضوان، نبيل نور الدين، ومن تأليف محمد صلاح العرب، إخراج شيرين عادل.