السيسي: كنت ببكي على مصر في 2011.. وربنا حماها حبا لها ولشعبها (فيديو)
أجاب الرئيس عبد الفتاح السيسي، على تسأل أحد الأفراد من ذوي الهمم، يدعى رامز، قال خلاله: "إيه أصعب موقف مر عليك وأنت في القوات المسلحة.
وعقب الرئيس "السيسي"، خلال كلمته على هامش فقرة "اسأل الرئيس" باحتفالية "قادرون باختلاف"، اليوم الأربعاء،: "أصعب موقف مر عليا في 2011، أنا كنت ببكي على مصر يا بني، حسيت أني ممكن الامور تخرج عن السيطرة والبلد تخش في دوامة كبيرة جدًا من الخراب والدمار، وكنت عارف أن عددنا مش قليل وظروفنا كدولة صعبة، مش مستحملة تدخل في أمور زي كدة وكنت حاسس بالخطر الشديد".
وتابع الرئيس السيسي: "أنا في الوقت دي مكنش يبان عليا سن خالص، تحس أن عمري هاتوا صوري قبل 2011متدنويش أكتر من 30 سنة، لكن أصعب حاجة ان تشعر بالخوف على البلد والناس، وأهلك وناسك ممكن يضيعوا وأنت مش عارفة تعمل حاجة".
ونوه، بأن كثير من أفراد الجيش في مصر كان لديهم هذا الخوف والقلق، ولكن اللي حمى مصر ربنا سبحانه وتعالى، وأنتو شايفين البلاد اللي جنبنا اللي دخل مرجعش، ولو كان حدث حرب أهلية خلال 2012-2013 كانت.. لكن الجيش والشرطة والدولة دفعت تمن كبير قوي، وربنا عمل كدة تقديرا وحبا لمصر وشعبها".
