رامي صبري لـ عمرو مصطفي: "لما تيجي تتكلم عن متخصص تبقا عارف بتتكلم عن مين"

حل الفنان رامي صبري ضيفًا على برنامج "أجمد 7" الذي تقدمه الإعلامية "جيهان عبد الله" عبر قناة نجوم إف أم.

 وعلق رامي صبري على ما صرح به الفنان عمرو مصطفى في برنامج "حبر سري" الذي تقدمه الإعلامية أسما إبراهيم، على اتهامه بسرقة لحن أغنيته "رقصة" وأنه أضاف اللحن إلى أغنية "يمكن خير".

وعلق رامي صبري قائلًا: "أنا هعلق على الموضوع مرة واحدة فقط وهذا لأننا أصدقاء ومش هعلق بطريقته لأن طريقته لم تعجبني، وأنه كمان اتهمني بالسرقة مع أنه عارف أن أي فنان كبير مبدع مش بيسرق، وهناك فرق بين السرقة وتوارد الأفكار".

وتابع قائلًا: “يوجد أغنية للراحل عامر منيب انا لحنتها، وجه بعدها لحن أغنية (ريحة ”الحبايب) لـ عمرو دياب كان اللحن شبه بعض، وعادي أنا وقتها مقولتش هرفع قضية زي ما عمرو مصطفى قال، لأن ده كلام كبير يدينه لأن أصلا عيب أنه يطلع يتهم ملحن وفنان كبير مش قليل له مكانته في الوسط الفني بالسرقة".

رامي صبري: لو حد سرق من عمرو مصكفى لحن هيقاضيه لأنه كلية حقوق

وأضاف: "لو حد سرق من عمرو مصطفى لحن هيقاضيه وهيعمل كل حاجة بالقانون لأن هو كلية حقوق، وأنا خريج معهد موسيقي العربية قسم تأليف موسيقي يعني أنا متخصص، والمفترض أن لما تيجي تتكلم عن متخصص وأنت حقوق تبقا عارف بتتكلم عن مين، وأنا لو مركز معاه هخليه يتحاسب قانونًا لكن أنا بكبر دماغي ومش هو ده اللي يهمني أنا يفرق معايا الجمهور".

رامي صبري لـ عمرو مصطفى: “ربنا يهديك واشتغل اكتر”

وتابع: "أنا مش هرد عليه بطريقته أنا هقوله ربنا يهديك واشتغل اكتر واعمل حاجات جديدة زي ملحنين كبار، ركز في شغلك اكتر واعمل لنا أغاني حلوة وأنا شخصيًا معنديش مشكلة لو عملت أغنية حلوة أغنيها لكن تطلع تقول ده سرق والكلام ده مينفعش يطلع من فنان كبير زيك".

وأضاف:" هو عمرو مصطفى كده لما بيغير من نجاح بيطلع يخبط في الناس، مفيش حد فينا عجبه خالص وكلنا واقعين وبنعمل أغاني وحشة وكلنا أغانينا مسروقة منه".
 

تفاصيل أغنية "يمكن خير"

الجدير بالذكر أن أغنية "يمكن خير" تنتمى إلى نوعية الأغاني الدرامية الحزينة، ويعبر فيها رامي صبري عن حزنه بعد فراق حبيبته، ثم ينتقل إلى فترة النسيان والتأقلم على عدم وجودها واستكمال حياته.

وأغنية "يمكن خير" من كلمات أحمد على موسى ومن ألحان رامي صبري وتوزيع وميكس ماستر طارق توكل.

كلمات أغنية "يمكن خير"

وتقول كلمات الأغنية:-

ولا وقته اننا نتحاسب ولا وقته إني ألوم ولا اعاتب
إيه إيه هيفيد

على اد ماقلبي وجعني وانا شايفك جاي تودعني وماشي ماشي بعيد
يمكن خير
ومين يندم على اللي يبيع سنين ويهد أحلامه في يومين ويبيع اوام
هنساك واعيش واهو حب راح وخلاص مفيش لهواك مكان ميهمنيش
خلص الكلام
ولا وقته اننا نتحاسب
يمكن خير عشان كان لازم ابعد من زمان
انا وانت ميسعناش مكان والبركة فيك
موضوعنا مات مبقاش خلاص في معجزات وبلاش نقلب في اللي فات راح عليه.