حمزة نمرة يحتل المركز الثالث في تريند يوتيوب بـ "أنا الطيب"

تصدر الفنان حمزة نمرة تريند موقع الفيديوهات الشهير "يوتيوب" بأغنية "أنا الطيب"، والتي حصلت على المركز الثالث ضمن المحتوى الرائج.

وكان قد طرح حمزة نمرة أغنية "أنا الطيب" عبر قناته الرسمية بموقع الفيديوهات الشهير "يوتيوب"، في يوم 9 من شهر أغسطس الجاري، ونالت الأغنية إعجاب جمهوره ومتابعيه، وحققت أكثر من 2.5 مليون مشاهدة على يوتيوب، وتفاعل جمهوره مع تلك الأغاني التي طرحها منذ طلع الشهر الجاري.

من هم طاقم عمل أغنية "أنا الطيب" لحمزة نمرة؟

أغنية "أنا الطيب" لحمزة نمرة، كلمات الشاعر محمود فاروق، الحان حمزة نمرة.

ماهي كلمات أغنية "أنا الطيب"؟

أنا الطيب وعامل فيها مش طيب
علشان الناس بقت بتدوس على الطيب
ومين كان حس بينا يا دمعي يا قريب
بمثل اني مش طيب عشان انتو
ديابة ولازم انتش لقمتي منكوا
وليه يا زمن بقى الطيب بتعيب
عامل قاسي وجواية مافيش قسوة
مليش غير قسوتي عزوة
بتدو الحق للأقوى
وبتيجوا تملي ع الطيب
وشراني لكن من جوة وحداني
وياما صرخت أه ياني
ماشوفتش حد بي طيب
عامل جامد لكني ورا الحيطان عيل
ولما الدنيا بتليل بشيل وشي اللي بي مثل
وأروح أنام ع الجانب الطيب
يا ناس يا ناس واقف مبلم
يارب حوش يارب سلم
دانا اتجرحت جرح علم
ماشي يا دنيا
ماجابش حقي غير دراعي
يا ريتني حاوي دول أفاعي
مافيش لطيبتي أي داعي
لا لا لا لا
أنا البعبع وشايل بين ضلوعي ملاك
ولو نزلت دموعي هلاك
يا قاسي القلب ايه قساك
وخلاك تيجي ع الطيب
لكن لو هتإذي هأذي
وده مش بكيفي ده حظي
ونفسي في يوم أعود طيب
ومش خواف ولو قولتكوا اني بخاف
أخاف لتقرقشوني حاف
وياما منكوا قلبي شاف
عالم وحوش مابترحموش طيب
يا ناس يا ناس واقف مبلم
يارب حوش يارب سلم
دانا اتجرحت جرح علم
ماشي يا دنيا
ماجابش حقي غير دراعي
ياريتني حاوي دول أفاعي
مافيش لطيبتي أي داعي
لا لا لا لا